Diamond Amchezesha Raila Odinga ,Apiga Milioni 195 Kwa dakika 10
Diamond alijipatia mamilioni ya pesa katika mojawapo ya show yake fupi zaidi kuwahi kutokea maishani mwake na baada ya hapo aliondoka na Ndege binafsi kurejea Afrika Kusini kusherehekea birthday party ya bintiye Tiffah.
Diamond alitumia dakika 30 tu kwenye perfomance hiyo kwenye mkutano wa mwisho wa Azimio ambapo alienda kwa ajili ya kumpigia kampeni Raila Odinga.
Ingawa kuimba alitumia dakika 10 tu, Alianza kwa kutumbuiza wimbo wake wa 2019 wa ‘Baba Lao’ akibadilisha mashairi kidogo ya kumsifu Odinga na mgombea mwenza wake Martha Karua na baadaye kumalizia na wimbo wa Waah ambapo nyimbo zote alitumia dakika 10 tu ila uwanjani alitumia dakika 30 tu.
Vyanzo vinaeleza kuwa Diamond alilipwa Ksh milioni 10 ambazo ni zaidi ya Tsh milioni 195,885 ambapo alitumia dakika 30 tu kuwepo kwenye uwanja huo wa Kasarani Kenya.
Gavana wa Mombasa anayeondoka Ali Hassan Joho anasemekana kuwa na mchango mkubwa katika mazungumzo hayo.
Kwa mujibu wa NTV wameandika kuwa chanzo cha habari kuhusu mipango hiyo kilichofichuliwa kwa Nation.Africa kilisema kuwa:
“Samahani hii haijarekodiwa, lakini mazungumzo ya Diamond kutumbuiza kwenye mkutano wa Raila yalikuwa yanatarajiwa kwa wiki tatu. Utendaji huo kwa kweli ulifadhiliwa na tajiri mmoja nchini Tanzania, sina uhakika kama tajiri huyo ni mfanyabiashara au mwanasiasa lakini inaonekana wazi ni mtu anayefahamika sana na wakuu wa Azimio. Hata hivyo, ninacho uhakika nacho ni kwamba Diamond alilipwa $100,000 kwa onyesho la Kasarani,”
Siku ya Alhamisi, mwimbaji huyo, ambaye atakuwa na ziara barani Ulaya na Afrika kuanzia Agosti 20, alichapisha kwenye mtandao wake wa Instagram kwamba angeimba nchini Kenya siku ya Jumamosi.
Hakufichua maelezo mengi, huku akiacha nafasi ya kutosha ya uvumi huku Wakenya wengi kwenye mitandao ya kijamii wakibaki njiapanda kuhusu ni wapi angetumbuiza kati ya mkutano wa Azimio na Kenya Kwanza ambao ulifanyika katika uwanja wa Nyayo jijini Nairobi siku hiyo hiyo. Wengine walijiuliza ikiwa angeimba kwenye tamasha la faragha.
